Mamma og pabbi ætla að fá sér hund sem mér finnst æðislega hugmynd.

Núna erum við bara að leita af draumaprinsinum eða prinsessunni.

Veit einhver um einhver sem á hvolpa sem fást gefins eða ódýrt.
viljum hund sem verður ekki mjög stór.. sirka 40 cm að herðarkambi er fínt.

Ef þið vitið um einhvern plís plís plís látið mig vita.

En Cavalier er klárlega draumahundurinn en hann kostar 150-200 þús kall sem er heldur of mikið.

en guð sjáiði bara hvað þetta er fallegt!!



sniff sniff langar í..

en verið dugleg að leita af hvolpagotum eða verðandi hvolpagotum í kringum ykkur.

love elva

• Fórum í partý þar sem veröndin hallaði það mikið að það var erfitt að sitja á þeim
• Það var sveitt og heitt allan tímann
• Ég fékk 6 moskítóbit, öll sama kvöldið, var síðan dugleg að spreyja á mig fæluspreyi
• Einu sinni sátum við í almenningsgarðinum þegar einhver maður kom með börnin sín og vildi taka mynd af börnunum sínum með okkur stelpunum sem hann síðan gerði
• Eitt sinn sat ég við eldhúsborðið að undirbúa matinn og sat of framarlega eða eitthvað á stólnum þannig hann steyptist fram og ég datt niður nema það var svo stutt í skápana fyrir aftan að ég klemmdist á milli borðsins og stólsins
• Pepe, strákurinn sem tekur við leigunni og sér um húsnæðið þannig séð er líkur Magna í Á móti sól
• Þarna bjó brjálaður hundur sem heitir Chula en er samt algjört yndi. hún og vatn er eitt það fyndnasta combó ever.. (lengri saga að segja frá því)
• Gerðum sangríu bollu í risarisastórum potti.
• Það var laus flís á gólfinu þegar maður labbaði inn í stofu og það var ekki hægt að stíga ekki á hana eða þannig haha.. heyrðist skemmtilegt hljóð þegar stigið var á hana og fólk duglegt við það hehe..
• Sylvía fékk kúluhné eftir að moskító beit hana tvisvar í hnéð
• Metró er snilld
• Síðasta daginn fórum við Sylvía óvart í vitlausa metró.. föttuðum það rétt áður en dyrnar lokuðust og náðum að stökkva út
• Cerveza, cola, aqua, Cerveza, cola, beer..
• Fólk hengir geisladiska út á svalir hjá sér til að láta ljósið speglast í þeim (hef ekki hugmynd why that is important)
• Aparnir í dýragarðinu voru æði... einn simpansi stakk þumlinum á sér inn í rassinn á öðrum.. spes!
• Sáum flóðhest skíta.. það er bara fyndið og viðbjóðslegt
• Where are all the penguins!?
• Heimagert Guacamole er svoooo gott!!
• Sillí, Svallí og Ellí!!
• Nenni ekki að setja inn neinar myndir hérna en set inn myndir bráðlega á myspace og facebook!!

Eigum við að ræða það eitthvað að það er ekki nema vika í að ég breytist í farfugl og held á heitari slóðir.

Shiiiiiiii!!!! hvað ég hlakka mikið til..

Ég hef verið að reyna að undirbúa mig andlega undir það að fara vera í allt allt öðruvísi loftslagi og þurfa að vera sveitt allan sólarhringinn. Fyrir ykkur sem ekki vitið þá þoli ég ekki að vera í miklum hita. Ég hef svona aðeins verið að reyna að undirbúa húðina mína líka fyrir sólina, við höfum nú verið mjög heppin með sólina hérna heima og hef ég verið mikið úti í sólinni á daginn á leikskólanum, erum alltaf úti allan daginn.
Síðan er ég byrjuð að taka astazan töflur og ét gulrætur á hverjum degi, reyni allt sem hugsanlega gæti mögulega öggupínulítið hjálpað mér við að verða brúnni..

Kvíði fyrir því að ég á eftir að vera eins og endurskinsmerki á milli Sylvíu og Svölu hehe..

Astazan eru töflur sem eru fyrst og fremst exercise relief en einnig sólarvörn (smá) og hjálpa manni að verða brún fyrr.

eins og ég segi þá prófa ég allt.

Vona bara að það verði ekki flugdólgur í vélinni, búin að prófa að lenda með einum þannig einu sinni og þarf ekkert að prófa það aftur. hehe

Annars fór ég til Þingeyrar síðustu helgi (átti afmæli á Laugardeginum), mamma og pabbi fóru á undan þangað en ég fékk far með Laufeyju frænku, Emil kærastanum hennar og vinkonu hennar, þau sóttu mig kl 6 á föstdagsmorgninum og við tókum bátinn frá Stykkishólmi og keyrðum svo frá Brjánslæk. Það er mjög þægilegt ferðalag að fara svona með báti í stað þess að sitja í bíl í 6 tíma.

Það var mikið um dýrðir því það voru dýrfirðingardagar í gangi um helgina og víkingasvæðið var opið og ýmsar uppákomu frá föstudegi til sunnudags.

Á föstudeginum var verið að reyna að klára pöbbinn sem Raggi frændi á svo hægt væri að opna hann á laugardagskvöldinu, mála og parketleggja og allt bara tekið í gegn. Mamma ég og Daðína skruppum á Ísafjörð til að versla í matinn og svo var grillað og kallarnir unnu hörðum höndum við að koma upp klósettunum á Víkingasvæðinu,

Á laugardeginum, afmælinu mínu var strandblakmót sem stóð nánast allan daginn og var mjög gaman að fylgjast með því, ég vissi ekki að mér þætti blak svona skemmtilegt, var reyndar ekkert að spila sjálf því maður þurfti að skrá sig fyrirfram á mótið. Laufey frænka keppti og varð í öðru sæti eftir glæsilega baráttu í úrslitaleiknum. Pabbi keppti líka með Emil í liði og unnu þeir gullið (tekið skal fram að 2 lið kepptu í karlaflokki hehe). Súpa í garði var heima hjá Jimma frænda þar sem boðið var upp á mexíkóska súpu og ég held að yfir 200 manns hafi komið við í garðinum hjá þeim og fengið sér súpu, þau voru með gestabók til að vita nokkurn veginn fjöldann en svo var líka fullt af fólki sem gleymdi að skrifa í bókina þannig þetta var slatti af liði.

Síðan fékk ég köku sem amma bakaði með kertum og alles og afmælisöngurinn sunginn.

um kvöldið var svo grill og skemmtun á víkingasvæðinu þar sem um 500 manns voru saman komnir til að njóta hátíðarinnar, einhverjir sungu og spiluðu uppi á sviði og héldu stemningunni uppi. Þórður frændi lúmski púkinn "laumaðist" upp að sviðinu og hvíslaði að þeim að ég ætti afmæli, þá tóku þau á sviðinu sig til og sungu og spiluðu afmælisönginn fyrir mig fyrir framan 500 manns, og ég var látin standa uppi á borði.
Hehe það var spes.

Seinna um kvöldið var partý heima hjá Helga frænda og svo var haldið á ball, ég hélt mig nú fyrst bara til við borðið með bjórinn góða en eftir ítrekaðar tilraunir Helga til að fá mig til að dansa aðeins 15 dansa við sig náði hann að bókstaflega draga mig niður á dansgólf og þar dansaði ég þar til ballinu lauk rúmlega 4. Það var ógeðslega gaman.

Síðan var haldið heim í þynnku daginn eftir.
Geðveikt skemmtileg helgi.
gott í bili.. ble!

• Drakk 6 kvöld í röð, hehe úff.. síðasta kvöldið var síðan bara bíógláp
• Fórum á þorrblót íslendingafélagsins sem var mikið fjör
• mikill einkahúmor átti sér stað
• það voru mega margir stigar upp í íbúðina hennar sylvíu og árna þannig maður var alltaf búin á því
• verslaði eitthvað en ekki samt brjálæðislega mikið
• hjá þeim býr köttur sem gerir ekki annað en að breima
• fórum í sightseeing bus og sáum alveg fullt flott og stórmerkilegt
• skoðuðum La Sagrada Familia kirkjuna hans Gaudi
• Sá einnig fleiri gaudi hús
• sá fullt að flottum og merkilegum listaverkum
• skoðuðum picasso safnið
• sá hórur og transsvestide hórur
• Allstaðar voru gaurar á kvöldin að selja dósir af bjór á eina evru
• röltbjór svokallaður hehe
• borðuðum mjög góðann hamborgara með bestu frönskum sem ég hef smakkað
• fór í sex shop sem var með svona peepshow og runkklefum
• drakk mikið af fanta limon

Jæja læt þetta duga í bili.. kem líklega með fleiri punkta úr ferðinni síðar..

En Sylvía og Árni takk kærlega fyrir mig.. ég skemmti mér mjög vel með ykkur.. þið eruð eðall

Flugferðin heim var nú heldur betur það furðulegasta flug sem ég hef á ævi minni lent í.. ég ætla að segja örlítið um hana hérna en ekki nein mikil smáatriði, þið sem þekkið mig vel ég mun segja ykkur frá smáatriðunum beint.
Allavega þá var svo mikill mótvindur þannig að flugmaðurinn tilkynnti að það yrði hálftíma töf vegna vinds, og síðan þegar sirka kl tími var liðinn af fluginu var okkur tilkynnt að vegna mjög mikils mótvinds þá þyrftum við að lenda í skotlandi til að taka meira eldsneyti.. þá var einn flugdólgur ekki sáttur og hótaði ýmsu og lét illa.. síðan þegar við lentum í skotlandi var hann handtekinn og færður frá borði og skilinn eftir þar. síðan héldum við heim á leið og vorum lent í keflavík kl 4 í stað kl 2.

Þið sem viljið eins og ég sagði vita nánar um þennan atburð.. talk to me

Annars er ég bara að fara í skólann á morgun að læra á fullu.. gamanið búið búhú
Set inn myndir seinna..
Kveðja Elva